Մեր մասին

Հարգելի ծնողներ,

​

18 տարի լինելով մանկավարժության ոլորտում և հստակ գիտակցելով ոլորտի բոլոր առավելությունները և թերությունները՝ ես իմ առջև դրեցի նպատակ՝ ստեղծել մանկապարտեզ, որը  կբավարարի  սահմանված բարձր պահանջները , կապահովի առողջ և հարմարավետ միջավայր երեխաների զարգացման, կրթման և ժամանակակից հասարակությունում ինտեգրման հարցում:

​

Չէ՞ որ ժամանակակից իրականությունը իր օրենքներն է թելադրում, և բնական է , որ երեխան պետք է քայլի ժամանակի հետ համահունչ ,  մինչդեռ ավանդական մոտեցումները կրթության մեջ արդեն չեն արդարացնում իրենց:

«Գորով »  մանկապարտեզում կրթական ծրագիրը բավականին հագեցած և ծավալուն է :

Ի՞նչ ենք արել մենք, որպեսզի այն հնարավոր լինի մատուցել այդ տարիքի երեխաներին՝ առանց ավելորդ լարվածության:

​

«Գորով»-ը առաջին մասնավոր մանկապարտեզն է Հայաստանում, որը ստացել է լիցենզավորում շվեդական առաջատար Folkuniversitetet համալսարանի կողմից և ունի իրավունք կրթել երեխաներին PBL մեթոդի միջոցով: Այս մեթոդն են կիրառում աշխարհի զարգացած երկրների առաջատար բուհերը, դպրոցները և մանկապարտեզները : Վերջինս մեթոդ է, որի օգնությամբ հնարավոր է անգամ տվյալ տարիքի համար շատ բարդ թվացող թեմաները յուրացնել հեշտությամբ՝ ներգրավելով նրանց ուրախ և հետաքրքիր  գործընթացի մեջ՝  զարգացնելով նրանց մեջ այնպիսի հմտություններ, որոնք, համոզված եղեք , կապահովեն պատրաստվածության բարձր մակարդակ և հնարավորություն կտան հեշտությամբ ինտեգրվել նոր պայմաններին:

​

Դե ինչ, հարգելի ծնողներ, ցանկանու՞մ եք ձեր երեխային տեսնել բազմակողմանի զարգացած, ինքնավստահ և հաջողակ, ուրեմն  բարի գալուստ  «Գորով» մանկապարտեզ: